Fix Pay News Gujarat: મુખ્યમંત્રી શ્રી ભૂપેન્દ્રભાઇ પટેલની અધ્યક્ષતામાં આજે મળેલી કેબિનેટ બેઠકમાં રાજ્યના ફિક્સ-પગાર આધારિત 61,560 જેટલા કર્મચારીઓના પ્રવર્તમાન વેતનમાં 30% જેટલો વધારો કરવાનો કર્મચારી હિતલક્ષી નિર્ણય લેવામાં આવેલ છે, જેનો અમલ તા.1 ઓક્ટોબર,2023ની અસરથી કરવામાં આવશે.
ગુજરાત ફિક્સ પે ન્યૂઝ (Gujarat Fix Pay News)
ગુજરાત રાજ્યના પાટનગર ગાંધીનગરમાં મુખ્યમંત્રી ભુપેન્દ્રભાઇ પટેલની અધ્યક્ષતામાં આજરોજ કેબિનેટની બેઠક મળી હતી. આ બેઠકમાં ફિક્સ પે કર્મચારીઓની લાંબા સમયથી જે જૂની પગાર વધારાની માંગ હતી તેના પર વિચારણા કરવામાં આવી હતી.આજ રોજ મળેલી બેઠકમાં રાજ્ય સરકારે રાજ્યના ફિક્સ પે ના કર્મચારીઓને દિવાળી પહેલા જ 30 ટકા પગાર વધારાની ભેટ આપવામાં આવી છે. છેલ્લા ઘણા સમયથી ફિક્સ પે ના કર્મચારીઓ પગાર વધારાની માંગ કરી રહ્યા હતા અને અંતે રાજ્ય સરકાર દ્વારા આ નિર્ણય લેવામાં આવેલ છે.
સરકારના પ્રવક્તા ઋષિકેશ પટેલ દ્વારા જાહેરાત
રાજ્યના ફિક્સ પે કર્મચારીઓ દ્વારા ફિક્સેશન હટાવવા માટે કોર્ટ પ્રક્રિયા પણ કરવામાં આવી છે. સુપ્રીમ કોર્ટમાં આ અંગે કાર્યવાહી પણ ચાલી રહી છે. આ કેસમાં સુપ્રીમ કોર્ટે મુદત આપી છે ત્યારે રાજ્ય સરકારે ફિક્સ પે કર્મચારીઓના પગારવધારાની માગને સંતોષી રોષ ઠારવાનો પ્રયાસ કર્યો હોય એવી ચર્ચાઓએ સચિવાલયમાં જોર પકડ્યું છે. રાજ્ય સરકારના પ્રવક્તા મંત્રી ઋષિકેશ પટેલે પ્રેસ કોન્ફરન્સ કરીને ફિક્સ પે કર્મચારીઓના પગારમાં વધારો કરવા અંગેની જાણકારી આજરોજ આપી હતી.
રાજ્યના 61 હજાર કર્મચારીઓને મળશે લાભ
રાજ્ય સરકારના નિર્ણયથી કુલ 61,560 કર્મચારીઓને પગાર વધારાનો લાભ મળશે. 20%ના વધારાની અટકળ વચ્ચે રાજ્ય સરકારે 30 ટકાનો વધારો આપતા કર્મચારીઓમાં ખુશીનું મોજું છવાઈ ગયું છે. રાજ્યમાં કર્મચારીઓના પગાર વધારાનો અમલ 1 ઓક્ટોબર 2023 થી થશે. જેનાથી સરકારની તિજોરી ઉપર વાર્ષિક 500 કરોડથી પણ વધુ ભારણ વધવાનું છે. આ મુદ્દે રાજ્ય સરકાર દ્વારા ટૂંક સમયમાં પરિપત્ર બહાર પાડવામાં આવશે.
ફિક્સ પે પગાર વધારા અંગે રાજ્ય સરકારનો પરિપત્ર (18/10/2023)
આ ગ્રેડ પે મુજબ આટલો થશે પગાર
આ નિર્ણયથી વર્ગ-3ના 4400 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 38,090 થી વધીને રૂ. 49,600 થશે. ઉપરાંત વર્ગ-3 ના 4200 અને 2800 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 31,340 થી વધીને રૂ. 40,800 થશે. વર્ગ-3 ના 2400, 2000, 1900 અને 1800 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ. 19,950 થી વધીને રૂ. 26,000 થશે. જ્યારે વર્ગ-4 ના 1650,1400 અને 1300 ગ્રેડ પે ધરાવતા કર્મચારીઓનો પ્રવર્તમાન માસિક ફિક્સ પગાર રૂ.16,224 થી વધીને રૂ. 21,100 થશે.
સમય નિકાળીને આ પણ વાંચો!
GUJJU 24/7
Gujju 24/7 એ ગુજરાતી ભાષામાં દરેક ગુજરાતીને જ્ઞાન મળી રહે તે માટે પ્રયત્ન કરે છે. Gujju 24/7 માં તમને ગુજરાતી જનરલ નોલેજ, ગુજરાતી જાણવા જેવુ, દિન-વિશેષ, સરકારી ભરતીની માહિતી અને અન્ય શૈક્ષણિક માહિતી જે ઉપયોગી હશે તે બધું જ ગુજરાતી ભાષામાં તમને અહીથી મળી રહેશે અને તમને સારું સારું વાંચવાનું મળી રહે તે માટે Gujju 24/7 હંમેશા પ્રયત્નશીલ રહેશે.